என் அன்புள்ள அம்மா

-




திருச்சி A .முஹம்மது அபூதாஹிர்
தோஹா – கத்தர்
thahiruae@gmail.com

Ø  ஊனம் என் ஒருக்கால்
ஒருக்கால்
என்னை அவர் முக்கிமற்றவராக விட்டிருக்கலாம்!
எனினும் தன்பால்
மற்றும் அன்பால்
வளர்த்தார் என்னை,
என் அன்னை!
Ø  சிசுவாய் வயிற்றில்
என்னை அவர் சுமந்த போதும்
மழலையாய்  அவர் மடியில் நான் தவழ்ந்த போதும்
எனக்காக அவர் இழந்தது
எத்தனையோ நாள் தூக்கம்!
ஊரே பற்றி எரிந்த போது
நான் காணாமல் போன போது
கதறி அழுது
அவருக்கு வந்தது மயக்கம்!


Ø  பிள்ளைகளுக்கு உணவு பகிர்ந்து
அவர் பசியாக இருந்த நாட்கள் பல!
பிள்ளைகள் தூங்க
நடுநிசிகளில் அவர் விழித்திருந்த நாட்கள் பல!
Ø  இருபதுகளில் நான்
வெளிநாட்டுக்கு வந்து விட்டேன்!
அவர் நாற்பதுகள் வரை
வீட்டை விட்டே வெளியே வர வில்லை!
Ø  அவருக்கு இருப்பது
மூன்று கை!
அது அல்லாஹ்வின் மீது நம்பிக்கை!
அடுத்து வலது கை மற்றும் இடது கை!

Ø  சிமினி விளக்கு ராத்திரி!
சீமெண்ணெய் தீர்ந்து விட்டதால்
உறங்கி விட்ட திரி!
எனினும்
உறங்காமல் என்னை
பார்த்துகொண்ட என் அன்னை
ஓர் அழகிய முன்மாதிரி!

Ø  “அம்மா இங்கே வா வா
ஆசை முத்தம் தா தா “ என நான் கேட்டதில்லை
அதற்கு முன்பே
எனக்கு அவர் முத்தம் கொடுத்தார்!

Ø  அம்மா !
உரை நடைக்கு முன்
உலகில் நீதான்
எனக்கு நடக்க கற்றுக் கொடுத்தாய்!
Ø  நாலடியாருக்கு  முன்
நீதான் எனக்கு
காலடி எடுத்து வைக்க
கற்று கொடுத்தாய்!
Ø  உன் குரல்தான்
எனக்கு
முதல் திருக்குறள்!
        நீ
பேச கற்று கொடுத்தப் பின்புதான்
நான்
படிக்க கற்றுக் கொண்டேன்!

Ø  எனது
தமிழ் தாய் நீதான் !
   உன் மொழி
தமிழ் மொழி!
தாய்
உன் மொழிதான்
என் தாய் மொழி !

Ø  தமிழன்னை
இருப்பது
பாட்டில் இல்லை!
என் வீட்டில்தான்
என் அன்னை
என் தமிழன்னை!

Ø  அன்னையே
எனது உடலிலும், உடையிலும்
அழுக்கையகற்றிய உமது கைகள்
தூய்மையானவை!
நான் கொடுத்த கஷ்டங்களை மறந்து
என் அழுகை மறக்க
புன்னகைத்த உன் அன்பு முகம்
மிகவும் அழகானது!
                      

Ø  எனக்கு கண்ணீர் வந்த போது
எனது கரங்கள் துடைக்கும் முன்
துடைத்தது உனது கரங்கள் !
என்னை பற்றி
நானே கவலைப்படாத போது
கண்ணீர் விட்டது உனது இதயம் !
Ø  மழலையாய்
நான் இருந்த போது
என்னை பேச விட்டு நீ ரசிப்பாய்!
குழந்தையாய்
நான் இருந்த போது
எனக்கு ஊட்டி விட்டு நீ புசிப்பாய் !
Ø  எனக்கு கைகள் இருந்தும்
   உனது கைகள்தான் 
   எனக்கு உதவின !
   என் கைகளைக் கொண்டு
   சாப்பிடவே
   உன் கைகள்தான் கற்று தந்தன!
   கால்கள் இருந்தும்
   உன் தோள்களில்தான்
   ரொம்ப காலம்
   நான் இருந்தேன் !

Ø  பள்ளிக்கூடம் போகும் போது
வாசலில் நின்று வழியனுப்புவாய்!
நான் தெருவை விட்டு போகும் வரை
உன் கண்கள் சிமிட்டாமல் பார்க்கும் !
சாலையை நான் எப்படி கடப்பேனோ என
உன் உள்ளம் பதைபதைக்கும்!
உன் திருவாயோ பத்திரமாய் நான் திரும்ப வேண்டுமென
பிரார்த்தனையை உச்சரிக்கும்!


Ø  நீங்கள்
   நடக்க கற்று கொடுத்திராமல் இருந்திருந்தால்
   நான்
   உட்கார்ந்தே இருந்திருப்பேன்!
   பேச கற்று தராமல் இருந்திருந்தால்
       நான்
   ஊமையாய் இருந்திருப்பேன்!
                                                                                      (இன்னும் யோசிக்கிறேன்)














           
























கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தாய்த்தமிழே

-
                                                                                  பேராசிரியர் . அ   முஹம்மது அபூதாஹிர்   தமிழே  நீ எங்களுக்கு தாயானவள்! நான்  உனக்கு   சேயானவள்! நீ  இங்குப் பிறந்தவள் ! சிவகங்கைச்சீமையின்  திருமகள்! திரவியம் தேடி   இடம் பெயர்ந்தாய்  இப்போது சிங்கப்பூரின் மருமகள்! நீ  பெரும்பாலான  மொழிகளுக்கு  நீதான் பாட்டி ! திராவிட மொழிகள் எல்லாம்  உனது பேத்திகள்தான்  ! நீ தோன்றியதில் பார்த்தால்  நீதான் மூத்தவள் ! தோற்றத்தில் பார்த்தால்  இன்றும் நீ இளையவள்தான் ! எழுத்துக்கள் எல்லாம்  உன் கழுத்துக்கள் ஆகும் ! “ஒன்றே குலம் ஒருவனே தேவன்”   உன் கருத்துக்கள் ஆகும் ! மெல்லினமும் வல்லினமும்  உன் அங்கங்களாகும் ! மேதினியில் பூம்புகாரும் மதுரையும்  நீ வாழ்ந்த சங்கங்க...
மேலும் படிக்கவும்

எங்களுக்கு சொந்தமானது

-
                                                           பேராசிரியர் . அ   முஹம்மது அபூதாஹிர்   வரலாறு இல்லாத அவர்களிடம் அருங்காட்சியகம் இருக்கிறது. ஆச்சரியப்படுகிறீர்களா ? அதில் உள்ளவை   பாக்தாத்துக்குச் சொந்தமானவை !   விஞ்ஞானிகளை கொடுமைப்படுத்திய அவர்களிடம் அறிவியல் ஆய்வுக்கூடம் உள்ளது. வியப்பாக இருக்கிறதா ? அதில் உள்ளவை முஸ்லிம் ஸ்பெயினுக்குச் சொந்தமானவை ! .   கருப்பு தங்கம் இல்லாத அவர்களிடம் வங்கிகளில் பெருமளவு இருப்பு உள்ளது. அதில் உள்ளவை அரபுகளுக்குச் சொந்தமானவை. நாடோடியாக வந்த அவர்கள் ஒரு நாட்டை ஆக்கிரமித்துள்ளனர் , அது பலஸ்தீனருக்குச் சொந்தமானது. அவர்களுக்கு எதுவும் சொந்தமில்லை ; எங்களிடமிருந்து அபகரித்துக் கொண்டார்கள். எங்களிடம் இப்போது எதுவும் இல்லை. நாங்கள் ஏமாந்துவிட்டோம்.  
மேலும் படிக்கவும்

பயங்கரவாதம் - சிலுவை முதல் துப்பாக்கி வரை !

-
 அனைத்து நாடுகளும் சுதந்திர தினம் கொண்டாடும் வேளையில் ஒரு நாடு அடிமைப் படுத்தப்பட்டுக் கிடக்கிறது !  நாஸிசத்தால்  விரட்டப் பட்ட சமூகம் , சியோநிசத்தால்  அடுத்த சமூகத்தை கொடுமைப் படுத்துகிறது !  வந்தேறிகள் அந்த பூமிக்கு வாரிசுகளானார்கள் ! சொந்த பூமிகாரர்கள் அகதிகளாய் ஆனார்கள் !  வெள்ளை அங்கி வாடிகனே ! வெள்ளை மாளிகை வாஷிங்டனே ! இயேசுவின் ரத்தம் உலக மக்களின் பாவங்களுக்காக சிந்தப்பட்டது எனில் (கிறிஸ்தவ நம்பிக்கைப் படி ) இயேசு பிறந்த பூமியில் பிஞ்சு சிசுக்களின் ரத்தம் யாரின் பாவத்திற்காக சிந்தப் படுகிறது? பயங்கரவாதம் சிலுவையில் தொடங்கி துப்பாக்கிகள் வரை !  ஏரோது மன்னன் தொடங்கி யஹுத் பராக் வரை !  சமாதான பிரபுவின் வாரிசுகளே ! சிலுவை மரணம் மட்டும்தான் துயரமானதா? ஜெருசலத்தில் இயேசு இரத்தம் சிந்தப்பட்டது மட்டும்தான் கொடூரமானதா?  துப்பாக்கிகளால் கொல்லப்படும் பச்சிளம் குழந்தைகள் உயிர்கள்? பீரங்கிகளால் தாக்கப்பட்டு பீச்சிட்டு வரும் அப்பாவி மக்களின் இரத்தங்கள் ? உங்கள் கண்ணுக்கு தெரிவதில்லையா ? அல்லது நீங்கள் க...
மேலும் படிக்கவும்