நன்றிக் கடனை மகன் தீர்த்துக் கொண்டான்

-



திருச்சி A .முஹம்மது அபூதாஹிர்
தோஹா – கத்தர்
thahiruae@gmail.com

Ø  வரலாற்றின் சாட்சியாம் அருங்காட்சியகங்களில்
பழைய பொருட்களை கூட
பாதுகாக்கிறார்கள் !
சமூகத்தின் சாட்சிகளான
முதியவர்களை இவர்கள்
ஒதுக்குகிறார்கள்!

Ø  நவீனம்
அதி நவீனம்
உயரமான கட்டிடங்கள் !
ஈனம்
மிக ஈனம்
முதிவர்கள் அங்கு இல்லை, அவை வெற்றிடங்கள்!


Ø  கொஞ்சி கொஞ்சி உணவூட்டிய அன்னை
ஒரு வேளை உணவுக்கு கெஞ்சுகிறாள்!
அன்போடு அரவணைத்த அன்னை
அவனிடமே பேச அஞ்சுகிறாள்!

Ø  குட்டி தாய் பசுவை விட்டு
பிரிக்கப்பட்டது!
குழந்தைகள்
தாயை விட்டுப்  பிரிந்து விட்டார்கள்!

Ø  பத்து மாதம்
கருவில் சுமந்து பெத்தவள்!
இன்றுதான்  வலியை உணர்ந்தாள்!
தான் தெருவில் விரட்டப்பட்டபோது !

Ø  அவனுக்கு
பாலும் அமுதும்
அன்னை அளித்த சொத்து!
வீடு வாசல்
தந்தை கொடுத்த சொத்து!
நன்றிக்கடனை மகன் தீர்த்துக் கொண்டான்
முதியோர் இல்லத்தில் சேர்த்து !

Ø  நடக்கக் கற்றுக் கொடுத்தவளுக்கு
இன்று நடக்க முடியவில்லை!
பேசக் கற்று கொடுத்தவளுக்கு
இன்று பேச முடியவில்லை!
எனினும் நன்றிக் கெட்ட மகன்
உதவ முன் வர வில்லை!

Ø  எத்தனையோ தடவை மகனின் அழுகையை
சேலைத்தலைப்பால் துடைத்தவள் இன்று அழுகையோடு !
அவனின் துணிகளை துவைத்தவள்
இன்று  துணி அழுக்கோடு!
மகன் உதறி தள்ளினான்
மனைவியோடு சேர்ந்து மிடுக்கோடு !

Ø  நாய் வாலாட்டி நன்றி தெரிவிக்கிறது  
இவன் போட்ட ஒரு எலும்புக்கு!
தாய்க்கு நன்றி பகர மறந்தான்
பாலூட்டி அவள் வலு சேர்த்த இவன் உடம்புக்கு !

Ø  பொறு சிறிது காலம் வரைக்கும்!
ஆம் உனது  முடிகள் நரைக்கும்!
அப்போது உனக்கும் உரைக்கும்!

Ø  அப்போது நீ உணருவாய்!
உன்னால் எதுவும் செய்ய முடியாமல் திணருவாய்!!


v   







கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தாய்த்தமிழே

-
                                                                                  பேராசிரியர் . அ   முஹம்மது அபூதாஹிர்   தமிழே  நீ எங்களுக்கு தாயானவள்! நான்  உனக்கு   சேயானவள்! நீ  இங்குப் பிறந்தவள் ! சிவகங்கைச்சீமையின்  திருமகள்! திரவியம் தேடி   இடம் பெயர்ந்தாய்  இப்போது சிங்கப்பூரின் மருமகள்! நீ  பெரும்பாலான  மொழிகளுக்கு  நீதான் பாட்டி ! திராவிட மொழிகள் எல்லாம்  உனது பேத்திகள்தான்  ! நீ தோன்றியதில் பார்த்தால்  நீதான் மூத்தவள் ! தோற்றத்தில் பார்த்தால்  இன்றும் நீ இளையவள்தான் ! எழுத்துக்கள் எல்லாம்  உன் கழுத்துக்கள் ஆகும் ! “ஒன்றே குலம் ஒருவனே தேவன்”   உன் கருத்துக்கள் ஆகும் ! மெல்லினமும் வல்லினமும்  உன் அங்கங்களாகும் ! மேதினியில் பூம்புகாரும் மதுரையும்  நீ வாழ்ந்த சங்கங்க...
மேலும் படிக்கவும்

எங்களுக்கு சொந்தமானது

-
                                                           பேராசிரியர் . அ   முஹம்மது அபூதாஹிர்   வரலாறு இல்லாத அவர்களிடம் அருங்காட்சியகம் இருக்கிறது. ஆச்சரியப்படுகிறீர்களா ? அதில் உள்ளவை   பாக்தாத்துக்குச் சொந்தமானவை !   விஞ்ஞானிகளை கொடுமைப்படுத்திய அவர்களிடம் அறிவியல் ஆய்வுக்கூடம் உள்ளது. வியப்பாக இருக்கிறதா ? அதில் உள்ளவை முஸ்லிம் ஸ்பெயினுக்குச் சொந்தமானவை ! .   கருப்பு தங்கம் இல்லாத அவர்களிடம் வங்கிகளில் பெருமளவு இருப்பு உள்ளது. அதில் உள்ளவை அரபுகளுக்குச் சொந்தமானவை. நாடோடியாக வந்த அவர்கள் ஒரு நாட்டை ஆக்கிரமித்துள்ளனர் , அது பலஸ்தீனருக்குச் சொந்தமானது. அவர்களுக்கு எதுவும் சொந்தமில்லை ; எங்களிடமிருந்து அபகரித்துக் கொண்டார்கள். எங்களிடம் இப்போது எதுவும் இல்லை. நாங்கள் ஏமாந்துவிட்டோம்.  
மேலும் படிக்கவும்

பயங்கரவாதம் - சிலுவை முதல் துப்பாக்கி வரை !

-
 அனைத்து நாடுகளும் சுதந்திர தினம் கொண்டாடும் வேளையில் ஒரு நாடு அடிமைப் படுத்தப்பட்டுக் கிடக்கிறது !  நாஸிசத்தால்  விரட்டப் பட்ட சமூகம் , சியோநிசத்தால்  அடுத்த சமூகத்தை கொடுமைப் படுத்துகிறது !  வந்தேறிகள் அந்த பூமிக்கு வாரிசுகளானார்கள் ! சொந்த பூமிகாரர்கள் அகதிகளாய் ஆனார்கள் !  வெள்ளை அங்கி வாடிகனே ! வெள்ளை மாளிகை வாஷிங்டனே ! இயேசுவின் ரத்தம் உலக மக்களின் பாவங்களுக்காக சிந்தப்பட்டது எனில் (கிறிஸ்தவ நம்பிக்கைப் படி ) இயேசு பிறந்த பூமியில் பிஞ்சு சிசுக்களின் ரத்தம் யாரின் பாவத்திற்காக சிந்தப் படுகிறது? பயங்கரவாதம் சிலுவையில் தொடங்கி துப்பாக்கிகள் வரை !  ஏரோது மன்னன் தொடங்கி யஹுத் பராக் வரை !  சமாதான பிரபுவின் வாரிசுகளே ! சிலுவை மரணம் மட்டும்தான் துயரமானதா? ஜெருசலத்தில் இயேசு இரத்தம் சிந்தப்பட்டது மட்டும்தான் கொடூரமானதா?  துப்பாக்கிகளால் கொல்லப்படும் பச்சிளம் குழந்தைகள் உயிர்கள்? பீரங்கிகளால் தாக்கப்பட்டு பீச்சிட்டு வரும் அப்பாவி மக்களின் இரத்தங்கள் ? உங்கள் கண்ணுக்கு தெரிவதில்லையா ? அல்லது நீங்கள் க...
மேலும் படிக்கவும்