உமது கைகள் பிடித்துதான்!

-
பாசமிகு என் தந்தை பற்றி



திருச்சி A .முஹம்மது அபூதாஹிர்
தோஹா – கத்தர்
thahiruae@gmail.com


Ø  முதலில் எனக்கு
நடக்க மட்டும்தான்
தெரிந்திருந்தது!
பின்னர் எனக்கு
நீங்கள்தான் எங்கு நடந்து செல்லவேண்டுமென
வழி காட்டினீர்கள்!
Ø  வீட்டின்
வாசல்படியில்தான்
நான் அமர்ந்திருந்தேன்!
நீங்கள்தான் என்னை
பள்ளிவாசலுக்கு
அழைத்து சென்றீர்கள்!
Ø  உமது கைகள் பிடித்துதான்
முதலில் நான் உலகுக்கு அறிமுகமானேன்!
உமது தோள்களில்தான்
முதலில் நான் பயணம் செய்தேன்!
Ø  திண்ணையில்தான்
நான்
அமர்ந்திருந்தேன்!
என்னை
நீங்கள்தான்
பள்ளிக்கூடம் அழைத்துச் சென்றீர்கள்!
Ø  எனக்கு
நடக்க மட்டும்தான்
தெரிந்திருந்தது!
நீங்கள்தான்
பாதைகளை
கடக்க வழி காட்டினீர்கள்!
Ø  வாசிக்க
பள்ளியில் கற்றுக் கொண்டேன்!
யோசிக்க
நீங்கள்தான்
வீட்டில் கற்று கொடுத்தீர்கள்!


Ø  எனது
அன்புத்தந்தையே
நீர்தான்!
முதல்
எனக்கு ஆசிரிய தந்தையும்
நீர்தான்!
Ø  தந்தை கடமையாய்
மகன் என்னை
“மக்தப்” பள்ளிக்கு அழைத்துச் சென்றீர்!
ஆசிரிய கடமையாய்
மாணவனான எனக்கு
அங்கே மாமறை குர்ஆன் ஒத கற்று தந்தீர்!
Ø  பேனா மை வாங்கி
தந்தீர்
பேசும்போது உண்மையே பேச வேண்டுமென
சொல்லி தந்தீர்!
Ø  நேர்மை
கற்று தந்தீர்!
நேரம் தவறாமை
சொல்லி தந்தீர்!
Ø  விழாக்களில்
நான் பரிசு வாங்க
முதலில் கைத்தட்டியது நீர்தான் !
பல தடவை
கீழே விழாமல் இருக்க
முதுகில் தட்டிக் கொடுத்ததும் நீர்தான்!
Ø  நீர் பேச
பொதுமக்கள்
கேட்பார்கள்!
நீர் உன் மக்கள் பேச
பொறுமையாய்
கேட்பீர்!
உனக்கு
தெரிந்ததையே
பேசினாலும்
தெரியாதது போல் கேட்பீர்!
Ø  இரவுகளில்
பிள்ளைகள் தூங்கும் போது
இளைத்திருப்பதாக
இரக்கத்தோடு அம்மாவிடம் கூறுவீர்!
பகலில்
பள்ளி விட்டு வந்ததும்
களைத்துப் போயிருப்பதாக
கவலைப்படுவீர்!
Ø  கண்ணும் காதும்
எங்களுக்கு இருந்தாலும்
நீர்தான் எம்மை
கண்ணும் கருத்துமாய் வளர்த்தீர்!
Ø  கண் இமையாய்
எம்மை வளர்த்தீர்!
கண்ணியமாய்
எம்மை வளர்த்தீர்!
Ø  புத்தகம்
வாங்கி கேட்டால்
உடன் வாங்கி கொடுப்பீர்!
காசு இல்லாவிட்டாலும்
கடன் வாங்கியாவது
வாங்கி கொடுப்பீர்!
Ø  உமது கால்களில்
வெடிப்பு!
அது எமக்கான
உமது உழைப்பு!
உமது உடலில்
உள்ள
சர்க்கரையை விட
கவலை
உம் பிள்ளைகள்
மீதான அக்கறைதான்!
Ø     அன்னை
ரொம்ப காலம்
வீட்டை விட்டே
வெளியே வந்ததில்லை!
அன்பு தந்தையே நீங்கள்
இது வரை
நாட்டை விட்டே
வெளியே வந்ததில்லை!
Ø  வாழ்க்கையில்
சாதனை புரிய
வழிகளை காட்டினீர்கள்!
நீங்கள்
வேதனையையும்
வலிகளையும் தாங்கிக் கொண்டு!

Ø  இன்னும்
நடக்கிறது! நடக்கிறது!
உங்கள் கால்கள்
எங்களுக்காக!
Ø     பணம் தந்து
உதவியவனுக்கு
திருப்பி தந்து கடன் தீர்த்திட முடியும்!
படிப்பு கற்று
தந்தவனுக்கு
பண முடிப்பு தந்து கடன் தீர்த்திட முடியும்!
நீர் காட்டிய
அளவிலா உதவிக்கு
எதை திருப்பி தந்து விட முடியும்!
Ø     பெற்றீர் !
பேரன்புடன் வளர்த்தீர்!
மீண்டும்
பெற்றோராகியா உம்மை
வளர்க்க முடியும்?
Ø  படிக்க வைத்தீர்!
படித்தோர்தானே நீங்கள் !
உங்களை நான்
படிக்க வைக்கவா முடியும்?
Ø  நடக்க
கற்று கொடுத்தீர்!
மீண்டும் உமக்கு
நடையா கற்று கொடுக்க முடியும்?
Ø  நீங்கள்
எம்மை  பெற்றோர்!
எமது
அன்பு பெற்றோர்!
நாங்கள் உங்கள்
அன்பை பெற்றோர்!
உதவி பெற்றோர்!
Ø    ஊனமான
எனது கால்கள்
இன்றும் கூட
ஊனமில்லை என்றே உணர்கிறேன்!
உங்கள் உதவியுடன்
நம்பிக்கையோடு  நகர்கிறேன்!
Ø  இளம் பிள்ளை வாதம்
ஆம்
எனக்கு ஊனமில்லை 
இது
உங்கள்
இளம் பிள்ளையின் வாதம்!
Ø  நிர்வாணமாய் பிறந்தோம் !
ஆடை அணிவித்தீர்!
மானம் காக்க
ஆடை வாங்கி கொடுத்தீர் !
தன்மானமாய் வாழ
தனயனுக்கு கற்று கொடுத்தீர்!

உணவு அளித்தீர்!
நல்ல உணர்வுகளை அளித்தீர்!

வீட்டில்
வைத்து காத்தீர் !
வழிகேட்டில்
விழுவதை விட்டும்
பாதுகாத்தீர்!
Ø  எனக்கு
முகம் மட்டும்தான்
இருந்தது!
முகவரி தந்தது
நீங்கள்!

Ø  எனக்கு
வெறும் முகம் மட்டும்தான்
இருந்தது!
இவ்வுலகில் நீங்கள்தான்
என்னை அறிமுகம்
செய்து வைத்தீர்கள்!
Ø  எனக்கு
வெறும் கைகள் மட்டும்தான்
இருந்தது!
நீங்கள்தான்
இறை நம்பிக்கையையும்
சேர்த்து கொடுத்தீர் !
Ø  பயணம்
எம்முடையது!
பாதை
உம்முடையது!
Ø  பயணம்
எம்முடையது!
நடப்பது
உமது கால்கள்தான்!
Ø  சுமைகள்
எம்முடையது!
சுமப்பது
உமது
தோள்கள்தான்!

(இன்னும் யோசிக்கிறேன்)

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தாய்த்தமிழே

-
                                                                                  பேராசிரியர் . அ   முஹம்மது அபூதாஹிர்   தமிழே  நீ எங்களுக்கு தாயானவள்! நான்  உனக்கு   சேயானவள்! நீ  இங்குப் பிறந்தவள் ! சிவகங்கைச்சீமையின்  திருமகள்! திரவியம் தேடி   இடம் பெயர்ந்தாய்  இப்போது சிங்கப்பூரின் மருமகள்! நீ  பெரும்பாலான  மொழிகளுக்கு  நீதான் பாட்டி ! திராவிட மொழிகள் எல்லாம்  உனது பேத்திகள்தான்  ! நீ தோன்றியதில் பார்த்தால்  நீதான் மூத்தவள் ! தோற்றத்தில் பார்த்தால்  இன்றும் நீ இளையவள்தான் ! எழுத்துக்கள் எல்லாம்  உன் கழுத்துக்கள் ஆகும் ! “ஒன்றே குலம் ஒருவனே தேவன்”   உன் கருத்துக்கள் ஆகும் ! மெல்லினமும் வல்லினமும்  உன் அங்கங்களாகும் ! மேதினியில் பூம்புகாரும் மதுரையும்  நீ வாழ்ந்த சங்கங்க...
மேலும் படிக்கவும்

எங்களுக்கு சொந்தமானது

-
                                                           பேராசிரியர் . அ   முஹம்மது அபூதாஹிர்   வரலாறு இல்லாத அவர்களிடம் அருங்காட்சியகம் இருக்கிறது. ஆச்சரியப்படுகிறீர்களா ? அதில் உள்ளவை   பாக்தாத்துக்குச் சொந்தமானவை !   விஞ்ஞானிகளை கொடுமைப்படுத்திய அவர்களிடம் அறிவியல் ஆய்வுக்கூடம் உள்ளது. வியப்பாக இருக்கிறதா ? அதில் உள்ளவை முஸ்லிம் ஸ்பெயினுக்குச் சொந்தமானவை ! .   கருப்பு தங்கம் இல்லாத அவர்களிடம் வங்கிகளில் பெருமளவு இருப்பு உள்ளது. அதில் உள்ளவை அரபுகளுக்குச் சொந்தமானவை. நாடோடியாக வந்த அவர்கள் ஒரு நாட்டை ஆக்கிரமித்துள்ளனர் , அது பலஸ்தீனருக்குச் சொந்தமானது. அவர்களுக்கு எதுவும் சொந்தமில்லை ; எங்களிடமிருந்து அபகரித்துக் கொண்டார்கள். எங்களிடம் இப்போது எதுவும் இல்லை. நாங்கள் ஏமாந்துவிட்டோம்.  
மேலும் படிக்கவும்

பயங்கரவாதம் - சிலுவை முதல் துப்பாக்கி வரை !

-
 அனைத்து நாடுகளும் சுதந்திர தினம் கொண்டாடும் வேளையில் ஒரு நாடு அடிமைப் படுத்தப்பட்டுக் கிடக்கிறது !  நாஸிசத்தால்  விரட்டப் பட்ட சமூகம் , சியோநிசத்தால்  அடுத்த சமூகத்தை கொடுமைப் படுத்துகிறது !  வந்தேறிகள் அந்த பூமிக்கு வாரிசுகளானார்கள் ! சொந்த பூமிகாரர்கள் அகதிகளாய் ஆனார்கள் !  வெள்ளை அங்கி வாடிகனே ! வெள்ளை மாளிகை வாஷிங்டனே ! இயேசுவின் ரத்தம் உலக மக்களின் பாவங்களுக்காக சிந்தப்பட்டது எனில் (கிறிஸ்தவ நம்பிக்கைப் படி ) இயேசு பிறந்த பூமியில் பிஞ்சு சிசுக்களின் ரத்தம் யாரின் பாவத்திற்காக சிந்தப் படுகிறது? பயங்கரவாதம் சிலுவையில் தொடங்கி துப்பாக்கிகள் வரை !  ஏரோது மன்னன் தொடங்கி யஹுத் பராக் வரை !  சமாதான பிரபுவின் வாரிசுகளே ! சிலுவை மரணம் மட்டும்தான் துயரமானதா? ஜெருசலத்தில் இயேசு இரத்தம் சிந்தப்பட்டது மட்டும்தான் கொடூரமானதா?  துப்பாக்கிகளால் கொல்லப்படும் பச்சிளம் குழந்தைகள் உயிர்கள்? பீரங்கிகளால் தாக்கப்பட்டு பீச்சிட்டு வரும் அப்பாவி மக்களின் இரத்தங்கள் ? உங்கள் கண்ணுக்கு தெரிவதில்லையா ? அல்லது நீங்கள் க...
மேலும் படிக்கவும்