இந்தி தெரியாது போடா

-

 

                                                பேராசிரியர் . அ   முஹம்மது அபூதாஹிர் 

 

தரணியில்

உயர்ந்து நின்ற தாய்த் தமிழே

நீ பரணியில்

படுக்க வைக்கப்பட்டிருக்கிறாய் !

 

உலகுக்கே

மூத்தவள் நீ

ஆனால் உன் வீட்டில்

உன்னை யாரும் மதிப்பதில்லை !

 

உன்னை தெரியாது என்பதுதான்

உன் மக்களுக்கே கவுரவமாம் !

ஆங்கிலத்தில் பேசுவதே

அவர்களுக்கு வரமாம்!

 

 “முத்தமிழ்” என்பதே

இங்கே

“முத்த தமிழ்” ஆகி விட்டது!

 

பாஞ்சாலி சபதத்தில்

உரித்து முடிக்க முடியாத  உன் சேலையை

திரைசீலை ஆபாசத்தில்

கிழித்துக் கொண்டிருக்கிறார்கள்!

 

 

கடல் கோளால்  கூட

அழிக்க முடியாதவளே

உன் பிள்ளைகள் கான்வென்ட் பள்ளிகளில்

உன்னை கொஞ்சம் கொஞ்சமாய்

அழித்துக் கொண்டிருக்கிறார்கள் !

 

இப்போதெல்லாம் உன்

குரல் கம்மியாகி விட்டது!

உன் பிள்ளைகள் முதல் வார்த்தை

மம்மியாகி விட்டது !

 

தமிழே உன்னையே

தமிழன் " டமில்" என்று சொல்கிறான்!

தமிழே உன்னை

தமிழன் டுமீல் என்று கொல்கிறான்!

 

தாய் தமிழே

இந்தி தெரியாது போடா என

அவன் சத்தமாக சொல்கிறான்!

சத்தியமாக அவனுக்கு

உன்னையும் தெரியாது!

 

அன்னைத் தமிழே

அரசுப் பள்ளிகளில்தான்  

நீ கொஞ்சம்  மூச்சு விட்டுக் கொண்டிருக்கிறாய் !

அரசியல்வாதிகளின் பள்ளிகளில்

அன்னியவளான  ஆங்கிலத்திடம்தான்

கொஞ்சிப்பேசிக்கொள்கிறார்கள்!

 

உன் மீதெல்லாம்

யாருக்கும் எந்த பாசமும் கிடையாது!

கட்டாயம் பாடமாகத்தான்

கஷ்டப்பட்டு படித்துக் கொண்டிருக்கிறார்கள்!

 

உன் மீது அவனுக்கு

ஒரு மதிப்பும்  கிடையாது

ஆனால் அவன் உன்னை 

நூறு  மதிப்பெண்ணுக்காக படிக்கிறான்!

*********************************************************

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தாய்த்தமிழே

-
                                                                                  பேராசிரியர் . அ   முஹம்மது அபூதாஹிர்   தமிழே  நீ எங்களுக்கு தாயானவள்! நான்  உனக்கு   சேயானவள்! நீ  இங்குப் பிறந்தவள் ! சிவகங்கைச்சீமையின்  திருமகள்! திரவியம் தேடி   இடம் பெயர்ந்தாய்  இப்போது சிங்கப்பூரின் மருமகள்! நீ  பெரும்பாலான  மொழிகளுக்கு  நீதான் பாட்டி ! திராவிட மொழிகள் எல்லாம்  உனது பேத்திகள்தான்  ! நீ தோன்றியதில் பார்த்தால்  நீதான் மூத்தவள் ! தோற்றத்தில் பார்த்தால்  இன்றும் நீ இளையவள்தான் ! எழுத்துக்கள் எல்லாம்  உன் கழுத்துக்கள் ஆகும் ! “ஒன்றே குலம் ஒருவனே தேவன்”   உன் கருத்துக்கள் ஆகும் ! மெல்லினமும் வல்லினமும்  உன் அங்கங்களாகும் ! மேதினியில் பூம்புகாரும் மதுரையும்  நீ வாழ்ந்த சங்கங்க...
மேலும் படிக்கவும்

எங்களுக்கு சொந்தமானது

-
                                                           பேராசிரியர் . அ   முஹம்மது அபூதாஹிர்   வரலாறு இல்லாத அவர்களிடம் அருங்காட்சியகம் இருக்கிறது. ஆச்சரியப்படுகிறீர்களா ? அதில் உள்ளவை   பாக்தாத்துக்குச் சொந்தமானவை !   விஞ்ஞானிகளை கொடுமைப்படுத்திய அவர்களிடம் அறிவியல் ஆய்வுக்கூடம் உள்ளது. வியப்பாக இருக்கிறதா ? அதில் உள்ளவை முஸ்லிம் ஸ்பெயினுக்குச் சொந்தமானவை ! .   கருப்பு தங்கம் இல்லாத அவர்களிடம் வங்கிகளில் பெருமளவு இருப்பு உள்ளது. அதில் உள்ளவை அரபுகளுக்குச் சொந்தமானவை. நாடோடியாக வந்த அவர்கள் ஒரு நாட்டை ஆக்கிரமித்துள்ளனர் , அது பலஸ்தீனருக்குச் சொந்தமானது. அவர்களுக்கு எதுவும் சொந்தமில்லை ; எங்களிடமிருந்து அபகரித்துக் கொண்டார்கள். எங்களிடம் இப்போது எதுவும் இல்லை. நாங்கள் ஏமாந்துவிட்டோம்.  
மேலும் படிக்கவும்

பயங்கரவாதம் - சிலுவை முதல் துப்பாக்கி வரை !

-
 அனைத்து நாடுகளும் சுதந்திர தினம் கொண்டாடும் வேளையில் ஒரு நாடு அடிமைப் படுத்தப்பட்டுக் கிடக்கிறது !  நாஸிசத்தால்  விரட்டப் பட்ட சமூகம் , சியோநிசத்தால்  அடுத்த சமூகத்தை கொடுமைப் படுத்துகிறது !  வந்தேறிகள் அந்த பூமிக்கு வாரிசுகளானார்கள் ! சொந்த பூமிகாரர்கள் அகதிகளாய் ஆனார்கள் !  வெள்ளை அங்கி வாடிகனே ! வெள்ளை மாளிகை வாஷிங்டனே ! இயேசுவின் ரத்தம் உலக மக்களின் பாவங்களுக்காக சிந்தப்பட்டது எனில் (கிறிஸ்தவ நம்பிக்கைப் படி ) இயேசு பிறந்த பூமியில் பிஞ்சு சிசுக்களின் ரத்தம் யாரின் பாவத்திற்காக சிந்தப் படுகிறது? பயங்கரவாதம் சிலுவையில் தொடங்கி துப்பாக்கிகள் வரை !  ஏரோது மன்னன் தொடங்கி யஹுத் பராக் வரை !  சமாதான பிரபுவின் வாரிசுகளே ! சிலுவை மரணம் மட்டும்தான் துயரமானதா? ஜெருசலத்தில் இயேசு இரத்தம் சிந்தப்பட்டது மட்டும்தான் கொடூரமானதா?  துப்பாக்கிகளால் கொல்லப்படும் பச்சிளம் குழந்தைகள் உயிர்கள்? பீரங்கிகளால் தாக்கப்பட்டு பீச்சிட்டு வரும் அப்பாவி மக்களின் இரத்தங்கள் ? உங்கள் கண்ணுக்கு தெரிவதில்லையா ? அல்லது நீங்கள் க...
மேலும் படிக்கவும்