தடைகளே விடைகள்
|
|
திருச்சி A .முஹம்மது அபூதாஹிர்
தோஹா – கத்தர்
thahiruae@gmail.com
|
Ø தடைகளே
வாழ்க்கைக்கான
விடைகள் !
Ø உன் உடல்
இயற்கையில் முரண் !
அது உனக்கு
மாற்று திறன் !
Ø முடமாக இருப்பது
பாவமல்ல !
மூடத்தனமாக இருக்கக்கூடாது !
Ø உடலில்
இயலாமை இருக்கலாம் !
ஆனால்
முயலாமை இருக்கக் கூடாது !
Ø முயல் ஆமையிடம்
முயலாமையால்
தோற்றது !
ஆமை முயல
வெற்றிப் பெற்றது !
Ø மூணு வயது வரை
பேச முடியாத
ஐன்ஸ்டீன்
அணு விஞ்ஞானி !
Ø கற்றலில்
இயலாமையால்
பாதிக்கப்பட்ட
அலெக்சாண்டர் கிரகாம் பெல்லால்
உலகம் பெற்றது
தொலைப்பேசி !
Ø கை,
கால் முடியாத
பேசவே முடியாத
ஸ்டீபன் ஹாக்கிங்!
அறிவியல் உலகம் பேசாத உண்மைகளை
வெளியிட்டார் !
“நேரத்தின் ஒரு சுருக்க வரலாறு “
கருவி மூலம்தான்
அவர் தன் கருத்தை தந்திட்டார் !
Ø அவரின்
இரு கால்கள் ஊனம்!
அவர் நடத்தி சென்றது
பலஸ்தீன விடுதலை பயணம் !
அவர்தான் மாவீரர்
ஷேக் அஹ்மத் யாசீன் !
Ø அவருக்கு
இரு கண்களும்
பார்வை இல்லை !
ஆனால் பெரும்பாலும்
அவரிடம் படிக்காத இஸ்லாமிய அறிஞர்களே
இருபதாம் நூற்றாண்டில் இல்லை !
அவர்தான்
அரபுலகின் பேராசிரியர் அல்லாமா அப்துல்லாஹ் இப்னு பாஸ் !
Ø சோம்பல் மற்றும் கோழைத்தனத்தை
தூக்கி ஏறி வேரோடு!
இறை நம்பிக்கை ,இடை விடாத முயற்சியோடு
நீ போராடு !
Ø இழிவு , தோல்விகள், அவமானம்
இவை முன்னேற்றப்பாதையில் ஏறும்போது
தடையாக விழும் முட்கள்!
முயற்சி ,பொறுமை நிதானம்
இவை கொண்டு ஏறுங்கள்
உங்கள் பாதையில் விழும் வெற்றியின் பூக்கள் !
*************************************************************************************
நல்ல கருத்துக்கள் அடங்கிய கவிதை
பதிலளிநீக்குஇன்னும் விரிவுபடுத்தி இருக்கலாம்
மிக அருமை!!